აზერბაიჯანის პრეზიდენტის თანაშემწემ, ჰიკმეტ ჰაჯიევმა განაცხადა, რომ სომხეთმა აზერბაიჯანის ქალაქ მინგეჩაურზე სარაკეტო შეტევა დაიწყო. ჰაჯიევის თქმით, ამ ტერიტორიაზე მინგეჩაურის კაშხალი და სამხრეთ კავკასიაში ყველაზე დიდი ელექტროსადგურია და სწორედ ეს იყო მათი სამიზნე. აღნიშნულის შესახებ ინფორმაციას oc-media ავრცელებს.

მათივე ცნობით, ამის შემდეგ მალევე აზერბაიჯანის თავდაცვის სამინისტრომ განაცხადა, რომ ქალაქ ტარტარს საარტილერიო ცეცხლი გაუხსნეს. მათივე ინფორმაციით, მშვიდობიანი მოსახლეობა დაშავდა.

აღნიშნულზე, სომხეთის თავდაცვის სამინისტროს სპიკერმა, შუშან სტეპანიანმა განაცხადა, რომ სომხეთს მინგეჩაურის მიმართულებით ცეცხლი არ გაუხსნია და აზერბაიჯანის წარმომადგენლების განცხადებებს ყალბი უწოდა.

მინგეჩაური აზერბაიჯანის სიდიდით მეოთხე ქალაქია. ის მთიანი ყარაბაღიდან, კონფლიქტის ეპიცენტრიდან 143,1 კილომენტრის დაშორებით მდებარეობს.