უკრაინის ყოფილი პრეზიდენტი, რომელიც კორონავირუსითაა ინფიცირებული, საავადმყოფოში გადაიყვანეს. ინფორმაციას ამის შესახებ პეტრო პოროშენკოს ცოლი ავრცელებს.

პეტრო პოროშენკოს ორმხრივი პნევმონია აქვს და კიევის ერთ-ერთ საავადმყოფოში აგრძელებს მკურნალობას. მისი ცოლის ინფორმაციით, კორონავირუსი დაუდასტურდა მათ შვილსაც. მარინა პოროშენკო აღნიშნავს, რომ უკრაინის ექსპრეზიდენტი მკურნალობის პოტოკოლს ზედმიწევნით იცავს.

უკრაინის ყოფილი პრეზიდენტის კორონავირუსით ინფიცირების შესახებ ცნობილი 29 სექტემბერს გახდა. მანამდე ის ადგილობრივი არჩევნებისთვის ემზადებოდა და წინასაარჩევნო კამპანიაშიც აქტიურად მონაწილეობდა.