10 მიზეზი, რის გამოც Ratched თქვენი ახალი ფავორიტი სერიალი გახდება

შენიშვნა: სტატია შეიცავს სიუჟეტთან დაკავშირებულ ირიბ მინიშნებებს, რამაც, შესაძლოა, სერიალზე წინასწარი ემოციური შთაბეჭდილებები შეგიქმნათ.

თუ რაიან მერფის შემოქმედება გიზიდავთ და უკვე გინახავთ მისი ისეთი გახმაურებული სატელევიზიო შოუები, როგორებიცაა ამერიკული საშინელებათა ისტორია (American Horror Story), ამერიკული კრიმინალური ისტორია (American Crime Story) თუ პოზა (Pose), მაშინ მისი სულ ახალი სერიალი რეჩედი (Ratched), ალბათ, ისედაც დაგაინტერესებთ.

ხოლო ისინი, ვისაც არც ამ პროექტზე ან რაიან მერფის შესახებ ბევრი არაფერი გსმენიათ, ამ სტატიაში იმ რამდენიმე საინტერესო დეტალს გაიგებთ, რომლებიც ახალი ჩამთრევი სანახაობის არჩევაში დაგეხმარებათ.

1. სერიალში შეხვდებით მრავალფეროვან, უჩვეულო და დამაინტრიგებელ პერსონაჟებს

სერიული მკვლელი, ნარკოდამოკიდებული ექიმი და შერონ სტოუნი მაიმუნით — ეს მხოლოდ აისბერგის წვერია იმასთან შედარებით, რასაც სერიალი მაყურებელს მრავალფეროვანი გმირების გაცნობით უმზადებს.

2. კოსტიუმები იმდენად საოცარია, რომ თვალს ვერ მოსწყვეტთ

სანაძლეოს ჩამოვალთ, სერიალის ყურებისას ბევრჯერ გაიფიქრებთ: "ამას სიამოვნებით ჩავიცვამდი".

3. კინოსა და ლიტერატურის ისტორიაში ცნობილ პერსონაჟს სხვა კუთხიდან გაიცნობთ

სერიალის სიუჟეტური ხაზი ძირითადად მილდრედ რეჩედის ირგვლივ ვითარდება. ამ ცნობილ მედდას როგორც მკითხველები, ისე მაყურებლები იცნობენ ცნობილი ფილმიდან და ამავე სახელწოდების მქონე წიგნიდან გუგულის ბუდეზე სხვა გადაფრინდა (One Flew Over the Cuckoo's Nest).

4. სარა პოლსონი კიდევ ერთ საოცარ სამსახიობო შესრულებას გვთავაზობს

სარა პოლსონს აქამდე ამერიკულ საშინელება ისტორიაშიც არაერთი სახასიათო პერსონაჟი შესრულებია და მაყურებელს არც ამჯერად უცრუებს იმედებს.

5. თუმცა მისი პერსონაჟი ერთადერთი არ არის, ვინც ნამდვილად გაგაოცებთ

თითოეულ პერსონაჟზე გადაღებული დამოუკიდებელი სერიალის ხილვაც კი შეიძლება მოგინდეთ.

6. მართალია, სიუჟეტი 1940-იან წლებში ვითარდება, თუმცა მაყურებელი თანამედროვეობისთვისაც ძალიან აქტუალური თემების რეპრეზენტაციას იხილავს

იქნება ეს სიყვარულთან, კარიერასთან თუ ფსიქიკურ ჯანმრთელობასთან დაკავშირებული პრობლემები.

7. თითოეული კადრით თვალს წყალს დაალევინებთ

აქედანვე გაფრთხილებთ: ალბათ, ბევრჯერ მოგინდებათ დასქრინვა.

8. სიყვარულის მომხიბვლელ ისტორიას იხილავთ

სარა პოლსონი და სინტია ნიქსონი ერთად უკვე საკმარისი მტკიცებულებაა ამისთვის.

9. სერიალი გაჟღენთილია ამერიკული საშინელებათა ისტორიის ნოსტალგიური ატმოსფეროთი

ის, რაც რაიან მერფიში ყოველთვის გვიყვარდა.

10. სცენარის მოულოდნელი განვითარება სუნთქვას შეგიკრავთ

ის, რაც სერიალის ყურებისას ყველაზე მთავარია: ერთი წამით არ მოიწყენთ.

ბოლო ამბები:

გირჩევთ