პარლამენტის დეპუტატი და პატრიოტთა ალიანსის ერთ-ერთი ლიდერი ადა მარშანია აცხადებს, რომ რუსეთთან დიალოგი და მოსკოვში ჩასვლა აუცილებელია დაკარგული ტერიტორიების დასაბრუნებლად.

მისი თქმით, პუტინი ჩვეულებრივი ადამიანია და არა გველეშაპი:

"რა არის ჩვენი მიზანი, ნატოში შესვლა თუ სოხუმში შესვლა. რად გვინდა ეს ნატო ჩვენ, ქვეყანა რომ გავამთლიანოთ თუ როგორღაც შევიდეთ და მერე ჯანდაბას ჩვენ? წადით ხალხო რუსეთში, წადით ხალხო მოსკოვში, დაელაპარაკეთ ამ რუსეთს, დიახ, ოკუპანტ რუსეთს. რატომ არის ეს მიუღებელი? რატომ არის ეს შეუძლებელი? პუტინი პრეზიდენტია, გველეშაპი კი არ არის. პუტინი ადამიანია ჩვეულებრივი. შენი სამშობლოს ნაწილების დასაბრუნებლად პუტინთან კი არა, სად არ უნდა წახვიდე ადამიანი?! ამაზე გვტკივა ჩვენ გული და მთავარია, რომ ქვეყნის პარლამენტი უნდა იყოს ძალიან და ძალიან ადეკვატური თავისი ქვეყნისა: მისი პრობლემების, მისი ამოცანების და მისი მიზნების. კიდევ ერთხელ გეუბნებით, ძვირფასო პარლამენტარებო, ჩვენი ქვეყნის მთავარი ამოსავალი წერტილი, მიზანი, ამოცანა და ზრახვა არის ქვეყნის გამთლიანება".