დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისის ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის ინფორმაციით, კორონავირუსის ახალი 298 შემთხვევიდან უმრავლესობა კვლავ აჭარაშია. რეგიონების მიხედვით გადანაწილება ასეთია:

  • აჭარაში — 175;
  • იმერეთი — 38;
  • თბილისი — 32;
  • გურია — 16;
  • სამეგრელო-ზემო სვანეთი — 14;
  • სამცხე-ჯავახეთი — 11;
  • ქვემო ქართლი — 7;
  • კახეთი — 4.

როგორც ენდელაძე ამბობს, ახალი შემთხვევებიდან არ არის არც ერთი, ვისი წყაროც უცნობია და ყველა ინფიცირებულთან კონტაქტია. მისივე თქმით, გამომდინარე იქედან, რომ გუშინ 294 ახალი შემთხვევა იყო და დღეს მატება მცირეა, "სტაბილიზაციისკენ მივდივართ".

ამასთან, ინფექციური საავადმყოფოს ბოქსირებული განყოფილების ხელმძღვანელი აღნიშნავს, რომ ამ დროისთვის 25 პაციენტი ითვლება კრიტიკულად და მათ შორის 22 არის მართვით სუნთქვაზე.

საქართველოში დღეს კორონავირუსის 298 ახალი შემთხვევა გამოვლინდა, 148 კი გამოჯანმრთელდა. გარდაიცვალა კიდევ სამი ადამიანი. ჯამში, ქვეყანაში კორონავირუსის 5 552 შემთხვევაა დადასტურებული. აქედან 1 906 ადამიანი უკვე გამოჯანმრთელდა, 28 კი გარდაიცვალა.

5 650 ადამიანი იმყოფება კარანტინში, ხოლო 836 — სტაციონარში მეთვალყურეობის ქვეშ. ამასთან, 800 პირი კოვიდსასტუმროშია მოთავსებული.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: