ევროპული საქართველოს საარჩევნო შტაბის ხელმძღავნელი, სერგი კაპანაძე, შინაგან საქმეთა მინისტრის, ვახტანგ გომელაურის განცხადებას ეხმაურება, რომელმა განცხადება, რომ კრიმინალის დონე შემცირებულია. კაპანაძის თქმით, ბოლო წლების განმავლობაში კრიმინალი კატასტროფულად გაიზარდა და ამას ოფიციალური სტატისტიკაც ცხადყოფს.

"ერთ-ერთი მთავარი რაც შესაცვლელია, არის დამოკიდებულება კრიმინალთან, რადგან ჩვენ ვნახეთ ბოლო წლების განმავლობაში, თუ როგორ გაიზარდა კატასტროფულად კრიმინალი. ოფიციალური სტატისტიკა მეტყველებს, რომ ზოგიერთი ტიპის კრიმინალი გაიზარდა 200 და 300%-ით, მათ შორის, მკვლელობები, ძარცვა, ყაჩაღობა" — ამბობს კაპანაძე.

კაპანაძემ აღნიშა, რომ ერთია გომელაურისა და კობახიძის განცხადებები, რომ კრიმინალი მხოლოდ ტელევიზიებში გაიზარდა, ხოლო მეორეა ის რეალობა, რასაც ადამიანები ყოველდღიურად ხედავენ.

"რამდენიც არ უნდა იძახოს გომელაურმა, რომ ყველაფერი კარგად არის და ძალიან მაღალია გახსნის დონე და რამდენიც არ უნდა იძახოს კობახიძემ, რომ მხოლოდ ტელევიზიებში ჩანს კრიმინალი და რეალურად არ არსებობს, ყველამ კარგად იცის, თუ რა არის რეალობა.

ამიტომ, ერთ-ერთი მთავარი გარდამტესხი ცვლილება იქნება სწორედ ეს, რომ კრიმინალი შემცირდეს დრამატულად და არ ხდებოდეს კრიმინალებზე ხელის დაფარება ხელისუფლების მხრიდან; არ იყოს გარიგება ე.წ ქურდულ სამყაროსთან არანაირი ფორმით და შესაბამისად, ჩვენი მოქალაქეები და ოჯახები იყვნენ უფრო უსაფრთხოდ", — განაცხადა სერგი კაპანაძემ.