მიხეილ რამიშვილის თქმით, ვერ აკონკრეტებს, თუ რის გამო ჩამოართვეს ტელეფონი, მაგრამ ამბობს, რომ იქ ვერაფერს იპოვიან.

"ჩემი მობილური ტელეფონი იქნა დალუქული და შესამოწმებლად მიაქვთ, რა უნდა შეამოწმონ, არ ვიცი. დღეს, ტელეფონი ჩამომართვეს და ხვალ ალბათ, თავისუფლებასაც მიაყოლებენ ზევიდან. მე არ ვიცი, რატომ ჩამომართვეს, რაღაც უნდა გადაამოწმონ. ჩემ ტელეფონში ოფიციალურად ვერაფერს იპოვიან და არაოფიციალურად ყველაფერს შექმნიან, ყველაფერს გააკეთებენ, მე ამის არ მეშინია. არ უნდათ, რომ ამ საქმეში მე ვიყო, რადგან იმ ინფორმაციებს ვაჟღერებ, რომლის მიხედვითაც, ამ საქმეში არანაირი თვითმკვლელობა არ არსებობს, ეს გოგო არის მოკლული", — განაცხადა მიხეილ რამიშვილმა.

პროკურატურაში დღეს, ბაჩალიაშვილის ოჯახის ადვოკატს მიხეილ რამიშვილს მობილური ტელეფონი ჩამოართვეს. პროკურორ დავით გუმბერიძის თქმით, მიხეილ რამიშვილს მობილური ტელეფონი დაილუქა მისივე ნებართვით. პროკურორის თქმით, ადვოკატის ტელეფონში ინახება გამოძიებისთვის მნიშვნელოვანი დეტალები.