ევროპული საქართველოს ერთ-ერთი ლიდერი, ზუგდიდის მაჟორიტარობის კანდიდატი, გიგი უგულავა, მიხეილ სააკაშვილის განცხადებს ეხმაურება.

უგულავას თქმით, სააკაშვილის განცხადება არის მისი სურვილი, დაბრუნდეს ერთპიროვნულ მმართველად და საზოგადოებისათვის მისი შეთავაზება არის წარსულის შეთავაზება. უგულავამ აღნიშნა, რომ ენმ და ქართული ოცნება სურვილებსა და მიმართებებში ერთმანეთს ემსგავსებიან

"სამწუხაროდ აბსოლუტურად არაადეკვატური განცხადება ვიხილეთ. ბატონმა სააკაშვილმა ერთი კვირაც ვერ გაძლო, რომ გამოეჩინა თავისი რეალური სურვილი. ის რასაც საზოგადოებას სთავაზობს, ანუ საკუთარ თავს პირველ პირად, ეს უკვე არის წარსული. სააკაშვილი იყო ამ ქვეყნის პირველი პირი და შესაბამისად, 2020 წელს, მისი თავიდან შეთავაზება არის უბრალოდ წარსულის შეთავაზება. ივანიშვილს სურს შეინარჩუნოს სტატუს-კვო, ანუ ის ჭაობი, სადაც მან ქვეყანა ჩაიყვანა, ხოლო სააკაშვილი სთავაზობს წარსულს, ქვეყანას კი სჭირდება მომავალი, გარდამტეხი ცვლილებები მომავლისაკენ. აქედან გამომდინარე, ძალიან სამწუხაროა, მაგრამ ენმ და ქართული ოცნება თავის მიმართებებსა და სურვილებში ხშირად ერთმანეთს ემსგავსებიან" — აცხადებს გიგი უგულავა.