სერგი კაპანაძის თქმით, ქართული მარში არის ქართული ოცნების ფრთა, შესაბამისად, ეს არის ხელისუფლების წინასაარჩევნო მცდელობა დააშინოს თავისის ოპონენტები სატელიტების დახმარებით.

სერგი კაპანაძემ აღნიშნა, რომ ამგვარი პრაქტიკა, რომ ასეთი ჯგუფების გამოყენება მოხდეს ძალადობრივი მოქმედებისავის და შემდეგ ამ დანაშაულის დაფარება, ასეთი პრაქტიკა უნდა დასრულდეს.

"ქართული მარში არის ქართული ოცნების ერთ-ერთი ფრთა, ისევე როგორც პატრიოტთა ალიანსი. რომ შევხედოთ, თუ ვინები იღებენ ქართულ მარშში მონაწილეობას, ისინი არიან ქართული ოცნების ყოფილი მაღალჩინოსნები და დღემდე მათ აქვთ შეხმატკბილებული ურთიერთობები. ჩვენ კარგად გვახსოვს, თუ როგორ ილაშქრებდა ქართული მარში 20 ივნისის მიტინგის შემდეგ ახალგაზრდების წინააღმდეგ, სხვათაშორის ევროპული საქართველოს წინააღმდეგ. ახლა, როგორც ჩანს, ლელო ამოიღეს სამიზნეში. ეს არის ჩვეულებრივი, წინასაარჩევნო ბინძური სტრატეგია ქართული ოცნების, რომ გამოიყენოს თავისი სატელიტები ასეთი ტიპის მივარდნებისთვის, ძალადობისთვის, დაშინებისთვის და ა.შ. მთელი იდეა იმ ცვლილებების, რომლებიც მოხდება არჩევნების შემდეგ, როდესაც ხელისუფლება დამარცხდება, იქნება ის, რომ ასეთი პრორუსული ჯგუფები აღარასოდეს იქნება გამოყენებული მხრიდან და არ მოხდება არც მათზე ხელის დაფარება და არც მათ დანაშაულებებზე თვალის დახუჭვა", —განაცხადა სერგი კაპანაძემ.