თბილისის მერიის თქმით, ინფორმაცია თითქოს მერია, პენსიონერებზე 200-ლარიან ფინანსურ დახმარებას გაცემს ტყუილია.

"გვსურს გამოვეხმაუროთ გავრცელებულ ინფორმაციას, თითქოს, თბილისის მუნიციპალიტეტის მერია, მათ შორის, რაიონების გამგეობები, პენსიონერებზე 200-ლარიან ფინანსურ დახმარებას გასცემს. აღნიშნული ინფორმაციის გამო, რომელიც სრული სიცრუე და დეზინფორმაციაა, დღეს დილიდან გამგეობების სერვისცენტრებში პენსიონერების რიგები არ წყდება. ისინი აცხადებენ, რომ სხვადასხვა საინფორმაციო საშუალებით, აღნიშნული დახმარების შესახებ შეიტყვეს", — ნათქვამია მერიის განცხადებაში.

თბილისის მერიის ინფორმაციით, ისინი სრული პასუხისმგებლობით აცხადებენ, რომ მსგავსი დახმარების პროგრამა თბილისის მუნიციპალიტეტის მერიაში არ მოქმედებს.