NDI-ის კვლევის მიხედვით, გამოკითხულთა 31 პროცენტისთვის ადგილობრივ საკითხებს შორის მთავარი პრობლემა გზების არარსებობაა. 22 პროცენტი ფიქრობს, რომ წყლით მომარაგება, 13 პროცენტი კი გარემოს დაბინძურებას ასახელებს. გამოკითხვისას ინტერვიუერებს სამი შესაძლო პასუხის არჩევის შესაძლებლობა ჰქონდათ.

ფოტო: NDI

კვლევის მიხედვით, თბილისში გამოკითხულთა 31 პროცენტი მთავარ პრობლემად საგზაო მოძრაობას ასახელებს. სოფელში გამოკითხულთა 41 პროცენტი კი წყლით მომარაგებას.

ფოტო: NDI

ამავე კვლევის მიხედვით, გამოკითხულთა 41 პროცენტი გარემოსდაცვითი საკითხებიდან მთავარ პრობლემად ჰაერის დაბინძურებას ასახელებს, 25 პროცენტი კი ფიქრობს, რომ ასეთი პრობლემები არ არსებობს.

ფოტო: NDI

რაც შეეხება რეგიონებსა და დედაქალაქს, თბილისში მოსახლეობის 75 პროცენტი ფიქრობს, რომ ყველაზე მწვავე პრობლემა გარემოსდაცვით საკითხებს შორის ჰაერის დაბინძურებაა.

ფოტო: NDI

NDI-ის კვლევა 6-11 აგვისტოს საქართველოს მასშტაბით 2 045 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). გამოკითხვის საშუალო ცდომილების ზღვარი არის +/- 1,3 პროცენტია.

ორგანიზაციის განცხადებით, რესპონდენტები მარტივი შემთხვევითი შერჩევის გზით — შემთხვევით ნომერზე დარეკვის მეთოდით შეირჩნენ. NDI-ის ინფორმაციით, ინტერვიუები ჩატარდა ქართულ, აზერბაიჯანულ, სომხურ და რუსულ ენებზე. მათივე თქმით, კვლევა საქართველოს მთლიანი მოსახლეობის წარმომადგენლობითია (ოკუპირებული ტერიტორიების გამოკლებით).