პარტიის განცხადებით, ლელოს მასშტაბები დღითიდღე იზრდება და პარტიის მიმართ დამოკიდებულება მკვეთრად დადებითი ხდება. მათივე თქმით, ამის ნათელი დადასტურებაა საფრანგეთში მცხოვრები ემიგრანტების მიერ კვირას, 13 სექტემბერს, 15:00 საათზე, ქალაქ riems-ში, მთავარ მოედანზე, ლელოს მხარდამჭერი აქციის დაანონსება.

ლელოს განცხადებით, ემიგრანტები აქციას ლელოს მხარდასაჭერად და ქვეყნის უკეთესი მომავლის შესაცვლელად გეგმავენ.

ინფორმაციას საფრანგეთში მცხოვრები ქართველი ემიგრანტები — ზაურ გურგენიძე და კახაბერ ცხადაძე ავრცელებენ.

როგორც პარტიაში ამობობენ, ემიგრანტები თვლიან, რომ ლელო ემიგრანტებისთვის იმედია.

"ვისაც გსურთ სასიკეთო ცვლილებები ჩვენს ქვეყანაში — განვითარებული ეკონომიკა, მოწესრიგებული სამართლებრივი სისტემა, დაცული ადამიანის უფლებები, თავისუფალი არჩევნები და სახლში დაბრუნების პერსპექტივა, შემოგვიერთდით, ლელო ემიგრანტების იმედია", — ნახსენებია ინფორმაციაში.