დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

სტრატეგია აღმაშენებლის პრესსამსახურის ცნობით, გიორგი ვაშაძეს ბოლო ორი კვირის მანძილზე არ ჰქონია შეხება თაკო ჩარკვიანთან, რომელსაც კორონავირუსი დაუდასტურდა. როგორც პრესსამსახურში On.ge-ს განუცხადეს, ამ დროის მანძილზე მათ შორის პირდაპირი კომუნიკაცია არ ყოფილა.

ამასთან, პრესსამსახურში ამბობენ, რომ გიორგი ვაშაძე ამ ეტაპზე კორონავირუსზე ტესტირებას მაინც იტარებს, პასუხები კი მოგვიანებით გახდება ცნობილი.

დღეს, სტრატეგია აღმაშენებლის ერთ-ერთმა ლიდერმა, თაკო ჩაკრვიანმა საკუთარ ფეისბუქზე დაწერა, რომ მას კორონავირუსი დაუდასტურდა, თუმცა იგი თავს უკეთ გრძნობს.

11 სექტემბრის მონაცემებით, საქართველოში კორონავირუსის 87 ახალი შემთხვევა გამოვლინდა, გამოჯანმრთელებულთა რიცხვი კი 20-თ გაიზარდა.

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ახალი დადასტურებული შემთხვევებიდან 29 ბათუმიდანაა, 24 არის ქუთაისის სკოლის შემთხვევები, 12 პაციენტი დადასტურებულ შემთხვევასთან კონტაქტი, 5 შემთხვევა არის მოგზაურობის ისტორიით აჭარაში, 4 შემოტანილი შემთხვევა, აქედან 3 არის სატვირთო ავტომანქანის მძღოლი, 3 შემთხვევა არის სამედიცინო პერსონალი და 10 შემთხვევაზე მიმდინარეობს ეპიდკვლევა.

ჯამში ქვეყანაში კორონავირუსის 1 917 დადასტურებული შემთხვევაა, მათ შორის გამოჯანმრთელდა — 1 354, გარდაიცვალა — 19. კარანტინის რეჟიმში — 5 882 პირი იმყოფება, სტაციონარში მეთვალყურეობის ქვეშ — 390.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: