თავისუფალი დემოკრატები ე.წ. კაბელების საქმეზე ბრალდებულებისთვის საქალაქო სასამართლოს მიერ გამტყუნებასა და 7–წლიანი პატიმრობის მისჯას მკვეთრად უარყოფითად აფასებენ და საპროტესტო აქციებს აანონსებენ.

კაბელების საქმეზე ბრალდებულები სასამართლომ გაამტყუნა და პატიმრობა მიუსაჯა

თავისუფალი დემოკრატების ერთ–ერთმა ლიდერმა ზურაბ აბაშიძემ მოსამართლე ბესიკ ბუგიანიშვილის გადაწყვეტილებას ქართული მართლმსაჯულების ისტორიაში შავი ლაქა უწოდა:

"ეს არის მძიმე შავი ლაქა საქართველოს მართლმსაჯულების ისტორიაში, რომელიც პირდაპირ კავშირშია ამ ხელისუფლებასთან, ივანიშვილის, კვირიკაშვილის მმართველობასთან, შოთაძის პროკურატურასთან, მურუსიძის სასამართლოსთან. ჩვენ ვპირდებით საზოგადოებას, რომ ეს ყველაფერი დასრულდება. როგორ შეიძლება, უდანაშაულო ადამიანები 7 წლით ციხეში ჩასვა. ღმერთის არ გეშინიათ ხალხო? ამაზე პასუხი მოგეთხოვებათ.

დღევანდელი გადაწყვეტილების შემდეგ თავისუფალი დემოკრატები ახალ რეჟიმზე გადავდივართ. ჩვენ არჩევნების გზით შევცვლით ამ ხელისუფლებას".

თავისუფალი დემოკრატები თავიანთი გეგმების შესახებ დეტალურად დღეს, პრესკონფერენციაზე განაცხადებენ.