ახალ წელს ყველა თავისებურად გვილოცავს. სატელევიზიო შოუების წამყვანები საახალწლო სიმღერებს ცნობილ მომღერლებთან ერთად წერენ და არაჩვეულებრივ ვიდეოებს ქმნიან. თუ ჯერ არ გინახავთ, აუცილებლად უნდა ნახოთ ჯეიმს კორდენისა და მერაია ქერის სამანქანო კარაოკე.

ამჯერად ჯიმი ფელონმა გადაწყვიტა ჩვენი გახარება და ჰოლივუდის ვარსკვლავებისა და ანიმაციური ფილმ Sing-ის მონაწილეებით საახალწლო Wonderful Christmastime ჩაწერა.

რიზ უიზერსპუნმა, მეთიუ მაკკონაჰიმ, სკარლეტ იოჰანსონმა და პოლ მაკარტნიმ სხვა ვარსკვლავებთან ერთად მაყურებლებისთვის საახალწლო განწყობის შესაქმნელად ძალა არ დაიშურეს.