ქართული ოცნების წევრი, შოთა ხაბარელი On.ge-სთან საუბარში ამბობს, რომ არ იცის, იქნება თუ არა პარტიის საარჩევნო სიაში. TV პირველმა გაავრცელა ინფორმაცია, რომ ქართული ოცნების სიაში 40-მდე დეპუტატი ვერ მოხვდა.

"ხვალ იქნება პირველი ოცეულის გამოცხადება, პირველ ოცეულში არ ვიქნები. ჯერ მე არ ვიცი, ვიქნები თუ არა სიაში. გადაწყვეტილებას როგორც მიღებენ, ისე იქნება", — განაცხადა შოთა ხაბარელმა.

ამასთან, TV პირველის ინფორმაციით, ქართული ოცნების სიის ხუთეულში იქნებიან გიორგი გახარია, არჩილ თალაკვაძე, თეა წულუკიანი, ირაკლი ღარიბაშვილი.

ოფიციალურად ქართული ოცნება სიის ოცეულს 10 სექტემბერს წარადგენს. საქართველოში საპარლამენტო არჩევნები 31 ოქტომბერს გაიმართება