ევროპული საქართველოს მაჟორიტარობის კანდიდატი გურიაში, ხათუნა გოგორიშვილი, პარტიულ სიაზე და სერგო ჯავახაძის მიერ ევროპული საქართველოს რეგისტრაციიდან მოხსნის მოთხოვნას ეხმაურება.

ხათუნა გოგორიშვილის თქმით, ევროპული საქართველოს პარტიული სია გამოქვეყნდება 1-ლ ოქტომბრამდე, სწორედ ამ დრომდე აქვთ მათ უფლება წარადგინონ საკუთარი სია. რაც შეეხება სერგო ჯავახაძის სარჩელს სასამართლოში, ევროპული საქართველოს რეგისტრაციიდან მოხსნის თაობაზე, გოგორიშვილი აღნიშნავს, რომ ამ პიროვნებამ ან წერა-კითხვა არ იცის, ან ამ ქმედებით რაიმე სარგებელი მიიღო ხელისუფლებისაგან.

"პარტიული სიების ვადა განსაზღვრულია კანონით და ბოლო ვადა 12 ოქტომბერია, ამ დროისთვის ყველა პარტიას ექნება წარდგენილი საკუთარი პარტიული სია, ჩვენი სიაც ამ დრომდე აუცილებლად გამოქვეყნდება. რაც შეეხება რეგისტრაციას, რაც არ უნდა უცნაური იყოს, ერთადერთი პრობლემა ჰქონდა ევროპულ საქართველოს, რადგან ევროპული საქართველოს რეგისტრაცია გასაჩივრდა სერგო ჯავახაძის მიერ. მან გაასაჩივრა ევროპული საქართველოს რეგისტრაციაში გატარება და მოითხოვა ჩვენი რეგისტრაციიდან მოხსნა. რა თქმა უნდა, ეს ყველაფერი ერთადერთ რამეს ნიშნავს, რომ ყველანაირად ქართული ოცნება ცდილობს, რომ ჩამოგვაცილოს არჩევნებს და არ მოწონს ჩვენი აქტივობა. სერგო ჯავახაძე ამბობდა, რომ ჩვენ პარტიას არ ყავდა წარმომდგენელი და ვიყავით არჩეული სხვა პარტიის სახელით, შესაბამისად არ გვქონდა უფლება გაგვეარა რეგისტრაცია. თუმცა, მან არ იცოდა, რომ 2016 წელს ვიყავით ბლოკი, ნაციონალური მოძრაობა-ევროპული საქართველო. ეს კი მხოლოდ ერთზე მიანიშნებს, ან წერა-კითხვის უცოდინრობა არიან, ან ნიშნავს იმას, რომ ამ ადამიანს კონკრეტული დავალება უნდა შეესრულებინა და ამაში მან რაიმე სარგებელი მიიღო. ასე, რომ ამ დონეზე სასამართლოში წერა-კითხვა იციან და ბატონ ჯავახაძეს უარი ეთქვა თავის მჭევრმეტყველ სარჩელზე“ - აცხადებს ხათუნა გოგორიშვილი.