დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

საკონდიტრო დონა ფეისბუქპოსტით კორონავირუსის დღეს დადასტურებულ 38 ახალ შემთხვევას გამოეხმაურა, რომლიდანაც 22 დონას თანამშრომელი აღმოჩნდა.

"კოვიდ-ინფექციის გამოჩენის პირველი დღეებიდან ზედმიწევნით ვასრულებდით ყველა იმ რჩევას და რეკომენდაციას, რაც ეხებოდა ვირუსის გავრცელების პრევენციას. თუმცა, ამის მიუხედავად, ჩვენს ორივე ფილიალში დადასტურდა ვირუსით ინფიცირების შემთხვევები. ყველა დაინფიცირებული გადის მკურნალობას შესაბამის სამედიცინო დაწესებულებაში, ხოლო მათთან კონტაქტში მყოფი პირები გადაყვანილია კარანტინში".

საკონდიტრო დონა ბათუმში პოპულარული ადგილია და იქ მოქალაქეების დიდი რაოდენობა იყრის თავს. პირველ სექტემბერს ცნობილი გახდა, რომ საკონდიტროს ერთ თანამშრომელს კორონავირუსი დაუდასტურდა. მეორე დღეს გამოვლენილი 38 ახალი შემთხვევიდან კი 22 სწორედ საკონდიტრო დონას თანამშრომელზე მოდიოდა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: