პარლამენტის მაჟორიტარი დეპუტატი, ირაკლი დაჩი ბერაია ფიქრობს, რომ ყველაზე მნიშვნელოვანი, რაც ოთხი წლის განმავლობაში ამ მოწვევის პარლამენტმა გააკეთა, პროპორციული საკონსტიტუციო ცვლილებების ჩაგდებაა. დეპუტატმა ამის შესახებ TV პირველის კითხვის საპასუხოდ განაცხადა.

"კონსტიტუციის ჩაგდება იყო ყველაზე მნიშვნელოვანი. შესაძლებელი გახდა ამ კონსტიტუციის ჩაგდების შემდეგ, თითოეულ რეგიონს თავისი წარმომადგენელი ჰყოლოდა მაჟორიტარის სახით", — განაცხადა ბერაიამ.

ირაკლი დაჩი ბერაია ერთ-ერთი იმ "პრინციპულ დეპუტატებს" შორის, რომელიც თავიდან ჯერ მხარს უჭერდა სრულად პორპორციულ საარჩევნო სისტემას, შემდეგ კი პროექტი ჩააგდო. "პრინციპული დეპუტატები" ამტკიცებდნენ, რომ მათთვის მიუღებელი იყო სრულად პროპორციული სისტემა და მოსახლეობას პარლამენტში საკუთარი წარმომადგენელი, მაჟორიტარი უნდა ჰყოლოდა.