საპარლამენტო პარტიის პატრიოტთა ალიანსის ლიდერი ირმა ინაშვილი ლარის გაუფასურების საკითხს კრიზისულად აფასებს და მთავრობის ეკონომიკურ გუნდის კომპეტენციაზე აკეთებს აქცენტს.

ინაშვილის თქმით, თუ 1 დოლარის ღირებულება 3 ლარს გადააჭარბებს, პრემიერმა და ეკონომიკურმა გუნდმა თანამდებობები უნდა დატოვონ:

"ხელისუფლება და მისი ეკონომიკური გუნდი არაკომპეტენტურია მართოს კრიზისი, დაარეგულიროს კრიზისული მდგომარეობა ქვეყანაში. მათ მიერ წარმოდგენილი პროგრამა არის ცარიელი ჰაერი. ჩვენი პროგნოზია, რომ დოლარი გადააჭარბებს 3 ლარს და ამ კრიზისს ვერ გაუძლებს ჩვენი ქვეყანა და ჩვენი ხალხი. შესაბამისად დადგება მთავრობის ეკონომიკური გუნდისა და ბატონი კვირიკაშვილის პასუხისმგებლობის საკითხი".

გუშინ ეროვნულმა ვალუტამ მორიგი ანტი-რეკორდი დაამყარა და კიდევ 6 თეთრით გაუფასურდა.