ძილში მოკლული 6 წლის ბიჭი ფილიპინებიდან, ერთ-ერთია იმ 6 ათასამდე მსხვერპლს შორის, რომელიც ნარკოდანაშაულის წინააღმდეგ ჩატარებული სპეცოპერაციისას მოკლეს.

"კარზე კაკუნი იყო" - იხსენებს ბიჭის დედა, ელიზაბეტ ნავარო, "ჩემმა ქმარმა თქვა, ვინ არის? შემდეგ 2 გასროლის ხმა გავიგე."

როდესაც ნავარომ გააანალიზა, თუ რა ხდებოდა, მისი ქმარი დომინგო და შვილი ფრენსისი უკვე მოკლულები იყვნენ, თავდამსხმელები კი გამქრალნი.

მას შემდეგ, რაც ივნისში, პრეზიდენტმა როდრიგო დუტერტემ ანტი-ნარკოტიკული კამპანია წამოიწყო, ნარკოტიკების წინააღმდეგ წარმოებულ ომს, ფილიპინებში, ივნისის შემდეგ 5 900-ზე მეტი მკვლელობა უკავშირდება.

ორშაბათს, დუტერტემ განაცხადა, რომ პირადად მოუკლავს სავარაუდო ნარკომომხმარებლები მაშინ, როცა ერთ-ერთი ქალაქის მერი იყო. როგორც ის იხსენებ, ამ ქმედებით მან მაგალითი მისცა სამართალდამცავებს, რათა თავადაც ჩაედინათ მსგავსი საქციელი.