დიდი ბრიტანეთის პოლიცია გაოგნებული იყო, როცა ქუჩაში მოსეირნე პინგვინს გადაეყარა. ადგილობრივი ბუნების დაცვის ცენტრიდან გაქცევის შემდეგ პინვინმა ღამის გასეირნება მოიწყო ნოტინგემშირში.

ნოტინგემშირის პოლიციამ კვირადღის (16 აგვისტოს) ადრეულ საათებში გზის მახლობლად მობაჯბაჯე ჰუმბოლდტის პინგვინის ფოტოები სოციალურ ქსელში ატვირთა. საბედნიეროდ, პოლიციელი გარეთ ფილიპი გამომწერებს არწმუნებს, რომ, საბედნიეროდ, "პო-პო" — როგორც მათ პინგვინს შეარქვეს — სახლში მშვიდობიანად დაბრუნდა.

"ძალიან გაგვიკვირდა, როდესაც ჩვენს ცვლაზე ქუჩაში პინგვინს გადავეყარეთ", — ამბობს ფილიპი.

ფოტო: SWNS

"პატრულირებისას ბევრ საინტერესო რამეს ვაწყდებით ხოლმე, მაგრამ ქუჩის შუაგულში მოსეირნე პინგვინი ერთ-ერთი ყველაზე უჩვეულო და სახალისო რამაა, რასაც გადავყრივართ. მას პო-პო შევარქვით. ჩვენთან ერთად რამდენიმე ფოტო გადაიღო და ძალიან მეგობრულად გვექცეოდა, სანამ მის პატრონს ვეკონტაქტებოდით. ბოლოს პინგვინი მშვიდობიანად დაბრუნდა შინ", — დაამატა მან.

ჰუმბოლდტის პინგვინი თავის ფერმაში დააბრუნეს. შემთხვევას ნოტინგემშირის პოლიციის ინსპექტორი გორდონ ფენვიკიც გამოეხმაურა:

"ჩვენს ოფიცრებს კომპლექსური მოთხოვნების მქონე ბევრ სხვადასხვა ტიპის ინციდენტთან გამკლავება აქვთ ნასწავლი და ძალიან კარგია, რომ პინგვინის პატრონთან დაბრუნება სწრაფად მოვახერხეთ".

ფოტო: SWNS