პოლიტიკური პარტია სახელმწიფო ხალხისთვის, რომელიც გაზაფხულზე პაატა ბურჭულაძემ დააფუძნა, ეკონომიკური გუნდის ერთ-ერთმა ლიდერმა გიორგი პაპავამაც დატოვა.

"პარტიაში აღარ ვარ" - უთხრა პაპავამ On.ge-ს.

პოლიტიკურ გაერთიანებაში აღარაა ეკონომიკური გუნდის მეორე ლიდერი ირაკლი ყიფიანიც.

"ჩვენ [ირაკლი ყიფიანი და გიორგი პაპავა] ერთი თვის წინ დავტოვეთ პარტია, რადგან ორგანიზაციის განვითარების ჩვენი ხედვა განსხვავებული იყო. არ გვაქვს არანაირი წყენა და წარმატებას ვუსურვებთ ამ გუნდს" - გვითხრა ირაკლი ყიფიანმა.

დღეს პაატა ბურჭულაძის პოლიტიკური პარტია სახელმწიფო ხალხისთვის ლიდერმაც დატოვა. ბურჭულაძის თქმით, ის პოლიტიკიდან მიდის და მუსიკალურ კარიერას უბრუნდება.

ნახეთ თაიმლაინი, ვინ, როდის და რატომ დატოვა პაატა ბურჭულაძის პოლიტიკური გაერთიანება.