დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისის ინფექციური საავადმყოფოს სამედიცინო დირექტორის ინფორმაციით, კორონავირუსისგან გამოჯანმრთელებული 44 ადამიანიდან ნახევარზე მეტი ავღანეთიდან ჩამოყვანილი სამხედროა. რაც შეეხება დანარჩენებს, ეზუგბაიას ინფორმაციით, მათ კორონავირუსი საქართველოში დაუდასტურდათ.

ინფორმაცია იმის შესახებ, რომ ავღანეთში როტაციით მყოფ 28 ქართველ სამხედრო მოსამსახურეს კორონავირუსი დაუდასტურდა, 10 ივლისს გავრცელდა. ისინი საქართველოში გადმოიყვანეს.

11 აგვისტოს მონაცემებით, საქართველოში კორონავირუსის 14 ახალი შემთხვევა გამოვლინდა, 44 ადამიანი კი გამოჯანმრთელდა.

ჯამში, დადასტურებულ შემთხვევათა რაოდენობა 1 264-მდე გაიზარდა, მათ შორის, გამოჯანმრთელებულია 1054 ადამიანი, გარდაცვლილი — 17. კარანტინის რეჟიმში 6 930 პირი რჩება, სტაციონარში მეთვალყურეობის ქვეშ კი 263 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: