მცხეთა-მთიანეთის საარჩევნო ოლქში, ლეიბორისტული პარტიის მაჟორიტარი დეპუტატობის კანდიდატი შალვა ნათელაშვილის შვილი, ბექა ნათელაშვილი იქნება. მცხეთის გამგეობასთან გამართულ ბრიფინგზე მან საკუთარი თავი, დღეს, 7 აგვისტოს წარადგინა.

"მე მინდა მცხეთა-მთიანეთში მაჟორიტარი დეპუტატობის კანდიდატად საქართველოს პარლამენტში წარმოვადგინო ჩემი თავი და ვიბრძოლო სწორედ იმ ახალგაზრდებთან ერთად, რომლებთან ერთადაც ვიბრძოდი, რომ მიგვეღო ამ ქვეყანაში ნორმალური საარჩევნო სისტემა. გვსურს შემოვიაროთ თითოეული სოფელი, თითოეული ქალაქი და აქ მცხოვრებ მოქალაქეებს ვუთხრათ, რომ არსებობს იმედი. ჩვენ შეგვიძლია გავიმარჯვოთ", — განაცხადა ბექა ნათელაშვილმა.

ბექა ნათელაშვილი მოძრაობა გაბედეს აქტივისტია.

2020 წლის საპარლამენტო არჩევნები ახალი, 120/30 სისტემით ჩატარდება — მოსახლეობა 120 დეპუტატს პარტიული სიებიდან აირჩევს, ხოლო 30-ს მაჟორიტარობის კანდიდატებს შორის.