პარლამენტის პირველი ვიცე-სპიერი, გიორგი ვოლსკი ამბობს, რომ მიხეილ სააკაშვილი "ხიბლის ცოდვითაა" შეპყრობილი. ასე გამოეხმაურა ის ექსპრეზიდენტის ინტერვიუს. ამასთან, ვოლსკი აღნიშნავს, რომ არ აქვს მნიშვნელობა, ოპოზიცია არჩევნებზე კანდიდატურებს ერთად დააყენებს თუ ცალ-ცალკე.

"ერთად დააყენებენ კანდიდატურებს თუ ცალ-ცალკე დააყენებენ, არაფერს რომ დაუმატო არაფერი, ჯამში გამოვა არაფერი. ეს არის ფაქტი. ამასთან დაკავშირებით ჩუღურეთელებსაც და დიდუბელებსაც კარგად ახსოვთ, როგორ მიხედა ნაციონალურმა მოძრაობამ ამ უბნებს და რაიონებს, რა სერიოზული პრობლემები დაგვიტოვა დღემდე, რომელიც მოგვყვება და რომელი პოლიტიკური ძალაა ის, რომელიც საქართველოს სამშვიდობოზე გაიყვანს", — აცხადებს ვიცესპიკერი.

თბილისისგან განსხვავებით, რეგიონებში ოპოზიციას საერთო მაჟორიტარობის კანდიდატები არ ეყოლება.

2020 წლის საპარლამენტო არჩევნები საქართველოში ოქტომბერში, ახალი სისტემით გაიმართება. "თითქმის პროპორციული" საარჩევნო სისტემა საკანონმდებლო ორგანოში საარჩევნო სიით 120 დეპუტატის არჩევას ითვალისწინებს, მაჟორიტარი კი მხოლოდ 30 იქნება.