ადვოკატი ალექსანდრე კობაიძე ფეისბუქზე წერს, რომ რუსთავში მაჟორიტარ დეპუტატად კენჭისყრას აპირებს. კობაიძეს არ დაუკონკრეტებია რომელი პარტიის სახელით აპირებს კენჭისყრას და არც ის დაუწერია, იქნება თუ არა დამოუკიდებელი კანდიდატი.

"ვიცი ბევრს არ გაგიხარდებათ, მაგრამ ვისაც გაუხარდება ჩემი მაჟორიტარობა იქნება გარანტი, რომ რუსთაველების პრობლემების მოსაგვარებლად შევძრავ მთელ პარლამენტს, სანამ კონკრეტული პრობლემების გადაჭრა არ მოხდება. ჩემი მეშვეობით პარლამენტში იქნება ტრიბუნა, რითაც ყველა რუსთაველს შეეძლება ჩვენი ქალაქის განვითარებისთვის ნებისმიერი პრობლემის/იდეის გაჟღერება", — ამბობს კობაიძე.

ალექსანდრე კობაიძე ადვოკატის სახით არაერთ გახმაურებულ საქმეში ყოფილა ჩართული. ბოლო დროს ის გიორგი შაქარაშვილის საქმეზე დაკავებული მორაგბის ინტერესებს იცავს.