პარლამენტის თავმჯდომარის, არჩილ თალაკვაძის განცხადებით, ყოფილი პრემიერმინისტრი, მამუკა ბახტაძე ქართული ოცნების პროპორციულ საარჩევნო სიაში, სავარაუდოდ, არ იქნება.

"რა საკვირველია, ამასთან დაკავშირებით ჩვენ არაერთხელ გვქონდა საუბარი, თუმცა აქვე მინდა გითხრათ, სავარაუდოდ, ის არ იქნება პროპორციულ სიაში, ვინაიდან ის იყო პრემიერმინისტრი, მას აქვს აღმასრულებელ ხელისუფლებაში საქმიანობის გამოცდილება და, როგორც ჩანს, მისი სამომავლო გეგმები არ უკავშირდება საპარლამენტო საქმიანობას", — აღნიშნა თალაკვაძემ იმედის ეთერში.

მამუკა ბახტაძემ თანამდებობის დატოვების შესახებ 2018 წლის სექტემბერში მოსახლეობას ფეისბუქპოსტით შეატყობინა.

20 ივნისს, ქართული ოცნების მიერ მაჟორიტარების კანდიდატების წარდგენას ყოფილი მამუკა ბახტაძე ესწრებოდა. სწორედ ამის შემდეგ გაჩნდა კითხვები მმართველი პარტიის სიაში მის ყოფნასთან დაკავშირებით. პარლამენტის თავმჯდომარემ, არჩილ თალაკვაძემ თქვა, რომ თუ ყოფილი პრემიერმინისტრი, მამუკა ბახტაძე ქართული ოცნების პროპორციულ სიაში შევა, ბევრი მოქალაქე მოხარული იქნება. ქართული ოცნების საარჩევნო შტაბის ხელმძღვანელმა, ირაკლი კობახიძემ კი აღნიშნა, რომ თავად ბახტაძეზეა დამოკიდებული, რამდენად შედის მის ინტერესებში სიაში ყოფნა.