ევროკავშირის საბჭომ, ევროპარლამენტმა და ევროკომისიამ ერთობლივ მოლაპარაკებაზე ცოტა ხნის წინ მიაღწიეს შეთანხმებას ე.წ. შეჩერების მექანიზმის ამოქმედების შესახებ.

ინფორმაციას ევროპარლამენტის წევრი კატი პირი ავრცელებს.

ეს ნიშნავს, რომ ევროპარლამენტი პლენარულ სხდომაზე შეჩერების მექანიზმის ამოქმედებას უახლოეს მომავალში უყრის კენჭს.

თავის მხრივ, ამ მექანიზმის ამოქმედება გზას ხსნის საქართველოსა და უკრაინისთვის, მიიღონ ვიზების ლიბერალიზაცია.

ამ დრომდე სწორედ ამ მექანიზმის არარსებობა უშლიდა ხელს ვიზების ლიბერალიზაციას უკრაინისა და საქართველოსთვის. ე.წ. შეჩერების მექანიზმი ევროპას სჭირდება იმისთვის, რათა უვიზო რეჟიმის ამოქმედების შემდეგ თუ კონკრეტული ქვეყნიდან გაიზარდა თავშესაფრის მაძიებელთა რაოდენობა, უვიზო რეჟიმი მარტივი პროცედურებით შეწყდება .