კომპანია Google-მა ოფიციალურად გამოაცხადა, რომ 2017 წლიდან, მთელი მსოფლიოს მასშტაბით, მათი ყველა დატაცენტრი და ოფისი მხოლოდ განახლებად ენერგიაზე იმუშავებს. რაც ნიშნავს, რომ თქვენი მეილი, გუგლის საძიებო სისტემა, ქლაუდ სერვისები, რუკები და ა.შ. მზისა და ქარის ენერგიაზე იმუშავებს.

კომპანიის განცხადებით, მათ შეძლეს და იყიდეს იმ რაოდენობის მზისა და ქარის მიერ გამომუშავებული ელექტროენერგია, რომ შეუძლიათ მთლიანად ამ რესურსზე გადავიდნენ.

გუგლი უკვე დიდი ხანია განახლებად ენერგიას იყენებს. მაგალითად, შარშან კომპანიის ენერგო მოხმარების 44% განახლებად ენერგიაზე მოდიოდა.

განახლებადი ენერგიის გამოყენება კომპანიებისთვის მომგებიანი, რადგან ხარჯი საგრძნობლად უმცირდებათ. მაგალითად, აშშ-ში მზის ენერგიის ფასმა 80 პროცენტით დაიკლო, ხოლო ქარისამ სამოცით. კორპორატიული შესყიდვებისას კონტრაქტები ათი და ოცი წლით იდება ფიქსირებული ფასით, რაც ენერგო და ფინანსურ სტაბილურობას მოასწავებს, რადგან კომპანიებს საშუალება აქვთ წინასწარ განსაზღვრონ ფინანსური და სხვა რისკები და დაზოგონ თანხები.

Google-ს ამჟამად 20 ენერგო კომპანიასთან აქვს კონტრაქტი გაფორმებული.