პარლამენტის პირველი ვიცე-სპიკერი, გია ვოლსკი ამბობს, რომ საარჩევნო სისტემის ცვლილებას წინა კენჭისყრებში მონაწილეთაგან მხარს ყველა დაუჭერს. მისი მტკიცებით, თუ ვინმე გარიგებაში არ შევა "დესტაბილიზაციის" მოსურნე ოპოზიციასთან, ცვლილებებს დღეს საბოლოო კენჭისყრაზე დაამტკიცებენ.

"ჩვენ, რასაკვირველია, მხარს დავუჭერთ და მე დარწმუნებული ვარ, რომ არ მოიძებნება ისეთი დეპუტატი, ვინც წინა კენჭისყრებზე მხარი დაუჭირა და რაიმე გარიგებაში შევა იმ ადამიანებთან, ვისაც უნდა, რომ დესტაბილიზაცია მოხდეს საქართველოში", — განაცხადა ვოლსკიმ.

დღეს პარლამეტში საარჩევნო სისტემასთან დაკავშირებით საკონსტიტუციო ცვლილებების მესამე, საბოლოო კენჭისყრა გაიმართება.