ევროპარლამენტის სამოქალაქო თავისუფლების, მართლმსაჯულებისა და საშინაო საკითხების კომიტეტი (LIBE) დროებითი შეჩერების მექანიზმზე 8 დეკემბერს იმსჯელებს.

ამის შესახებ, კომიტეტის დღის წესრიგში უკვე ჩაიწერა, სადაც მითითებულია ისიც, რომ შესაძლებელია ინტერინსტიტუციონალური მოლაპარაკებების პროცესში, საკითხის კენჭისყრაც გაიმართოს. მხარდაჭერის შემთხვევაში, მას პლენარულ სხდომაზეც უყრიან კენჭს.

რა არის შეჩერების მექანიზმი?

შეჩერების გამარტივებული მექანიზმის ამოქმედება, ევროკავშირის წევრ ქვეყნებში, საჭიროების შემთხვევაში ჭარბ მიგრაციულ ნაკადებს შეაჩერებს. იგი საშუალებას აძლევს წევრ ქვეყნებს, რომ ევროკომისიას მოთხოვოს დროებით შეაჩეროს უვიზო მიმოსვლა იმ ქვეყნისთვის, საიდანაც მკვეთრად გაიზრდება არალეგალი მიგრანტების რაოდენობა და თავშესაფრის მოთხოვნები. ევროკავშირის განცხადებით შეჩერების მექანიზმი არის "აუცილებელი" და საქართველო ვერ მიიღებს სავიზო ლიბერქალიზაციას მის ამოქმედების გარეშე.