თბილისი პრაიდის წარმომადგენელმა, გიორგი თაბაგარმა განაცხადა, რომ 20 ივნისს გამართულ აქციაზე, ლგბტ უფლებადამცველ ორგანიზაციას პირველად მიეცა შესაძლებლობა, საპროტესტო მოძრაობის ნაწილი ყოფილიყო. ამის შესახებ მან აქციაზე სიტყვით გამოსვლისას თქვა და აქციის ორგანიზატორებს მადლობა გადაუხადა.

"მინდა მადლობა ვუთხრა ამ აქციის ორგანიზატორებს, იმისთვის, რომ ჩვენ მოგვცა ინკლუზიური სივრცე, რომ მე და ჩემი თანამებრძოლები აქ ვგრძნობდით თავს, როგორც საკუთარ სახლში. ქართული პროტესტების ისტორიაში ჩვენ პირველად მოგვეცა შესაძლებლობა, რომ ვყოფილიყავით მოძრაობის ნაწილი, იმის მიუხედავად, რომ წარმოვადგენთ ყველაზე მარგინალურ ჯგუფს ამ ქვეყანაში, მადლობა #სირცხვილიას", — განაცხადა თაბაგარმა.

გავრილოვის ღამიდან 1 წელი გავიდა. მოქალაქეები დღეს რუსთაველის გამზირზე კვლავ შეიკრიბნენ და რუსული ოკუპაცია და ხელისუფლების პოლიტიკა გააპროტესტეს.