დევნილთა და განსახლების მინისტრმა სოზარ სუბარმა და აჭარის მთავრობის თავმჯდომარემ ზურაბ პატარაძემ ხელვაჩაურის მუნიციპალიტეტის სოფელ კაპრეშუმში 50 ეკომიგრანტ ოჯახს საცხოვრებელი ბინები გადასცეს.

პატარიძის ინფორმაციით, აღნიშნული პროექტი ხელვაჩაურის მუნიციპალიტეტში პირველად განხორციელდა. სოციალური სახლის მშენებლობა 2014 წელს დაიწყო და მისთვის ადგილობრივი ბიუჯეტიდან 2 200 000 ლარი დაიხარჯა.

საქართველოს მასშტაბით 2012 წლის ოქტომბრიდან დღემდე საცხოვრებელი სახლებით უზრუნველყოფილია 519 ეკომიგრანტი ოჯახი.