თბილისის ზღვის ჰოსპიტალში კორონავირუსის 3 ახალი შემთხვევა დადასტურდა. ამის შესახებ ინფორმაციას საავადმყოფოში ადასტურებენ.

მათი ინფორმაციით, ინფიცირებულთაგან ორი სატვირთო ავტომობილის მძღოლია, ერთის შესახებ კი ინფორმაცია დაზუსტებული არაა, თუმცა სავარაუდოდ, ის დადასტურებული შემთხვევის კონტაქტი იყო.

თბილისის ზღვის ჰოსპიტალში აცხადებენ, რომ ამ თემაზე კომენტარს 17:00-ზე კლინიკის სამედიცინო დირექტორი, მარეხი ბექაია გააკეთებს. ამ სამი შემთხვევის ჩათვლით, საქართველოში კორონავირუსი 882 ადამიანს უდასტურდება, თუმცა მონაცემები Stopcov.ge-ზე ჯერ არ განახლებულა.

StopCov.ge-ზე ინფიცირებულთა რაოდენობა ბოლოს 15 ივნისს განახლდა და მათი რიცხვი 879-ია. ამასთან, საქართველოში კიდევ 20 ადამიანი გამოჯანმრთელდა კორონავირუსისგან და მათი რაოდენობა 724-მდე გაიზარდა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: