ლეიბორისტული პარტიის ლიდერი, შალვა ნათელაშვილი საპარლამენტო არჩევნებისთვის ოპოზიციის საერთო შექმნის იდეას არ იზიარებს. მისი თქმით, საქართველოს ისტორიაში პირველად პოლიტიკურმა სპექტრმა სპექტრმა მოახერხა გაერთიანება იდეის, მიზნის და არა სიის გარშემო.

"საერთო სია შექმნილ ვითარებაში იქნება ჩასაძირად გამზადებული ტიტანიკი, რაც ოლიგარქის უძველესი ოცნებაა, რათა მათ კვლავ დაყოს პოლიტიკური სივრცე ორ პოლუსად, თეთრად და შავად, კეთილად და ბოროტად, წარსულად და მომავლად. ჩვენ ყველაფერი უნდა გავაკეთოთ, რომ ეს მიზანი ოლიგარქმა ვერ შეასრულოს, არ შეასრულოს და რამდენიმე თვეში თავის დანაშაულებრივ ჯგუფთან ერთად დაგვემშვიდობოს და აგოს პასუხი", — განაცხადა შალვა ნათელაშვილმა ბრიფინგზე.

საქართველოს ყოფილი პრეზიდენტი, მიხეილ სააკაშვილი ოპოზიციურ პარტიებს მოუწოდებს, ყველა ჯგუფი ერთიან სიაში გაერთიანდეს. 13 ივნისს გავრცელებულ ვიდეომიმართვაში სააკაშვილი აღნიშნავს, რომ ეს არის ერთიანობის "ყველაზე ზუსტი და სწორი ფორმა".

"ახლა არის სიტუაცია, როდესაც ყველამ უნდა გადავდოთ ამბიციები გვერდზე და გავაერთიანოთ მთლიანად ყველა ოპოზიციური ჯგუფი ერთიან სიაში - ეს არის ერთიანობის ყველაზე ზუსტი და სწორი ფორმა! გავერთიანდეთ! გავაკეთოთ ერთიანი დიდი სია... ადგილები გადანაწილდეს ეს ჩემთვის სულერთია..." — ამბობს სააკაშვილი.

ამავე თემაზე: