მასალის თავდაპირველი სათაური ეყრდნობოდა StopCov.ge-ს მონაცემებს, სადაც შემთხვევების საერთო რიცხვი გაზრდილი არ იყო. მოგვიანებით განახლებულ მონაცემებზე ინფორმაცია დაავადებათა კონტროლის ცენტრმა გაავრცელა და სათაური შესაბამისად შესწორდა.

ბოლო 24 საათში კორონავირუსი კიდევ 13 ადამიანს გამოუვლინდა, ხოლო 1 პაციენტი გამოჯანმრთელდა. ინფორმაციას ამის შესახებ დაავადებათა კონტროლის ცენტრი ავრცელებს.

ფოტო: დაავადებათა კონტროლის ცენტრი

ამასთან, 13 ივნისს ვირუსის შედეგად მე-14 ადამიანი გარდაიცვალა. გარდაცვლილი ეროვნული ბანკის თანამშრომელი იყო. 68 წლის პაციენტი 4 აპრილიდან თბილისის პირველ საუნივერსიტეტო კლინიკაში 70 დღე მკურნალობდა.

"სეფსისის ცენტრიდან გამოიყვანეს, სადაც კოვიდინფიცირებაზე ჰქონდა დასმული დიაგნოზი. შედეგად განვითარებული იყო მწვავე პნევმონია, გულის უკმარისობა, მწვავე რესპირატორული დისტრესი. შემოყვანისას პაციენტი კრიტიკული იყო. სამწუხაროდ, ვერ ხდებოდა ფილტვის ხელოვნური ვენტილაცია, რადგან დაზიანების ინდექსი იყო მაქსიმალური", — განაცხადა ლევან რატიანმა.

ამ ეტაპისთვის სულ გამოვლენილია კორონავირუსის 864 შემთხვევა, რომელთაგან 703 უკვე გამოჯანმრთელებულია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: