ჯანდაცვის მინისტრის ეკატერინე ტიკარაძის განცხადებით, სომხეთის ჯანდაცვის მინისტრ არსენ ტოროსიანს ტელეფონით ესაუბრა და დახმარება შესთავაზა. როგორც მინისტრი ამბობს, მან სომხურ მხარეს სასუნთქი აპარატებით დახმარება და პერსონალის გაგზავნა შესთავაზა, თუ ვინმეს ამის თაობაზე სურვილს გამოთქვამს.

ეკატერინე ტიკარაძის თქმით, შედგება ვიდეოკონფერენცია, რომელსაც სისტემური ხასიათი მიეცემა. ამასთან, მინისტრი ამბობს, რომ სომხეთის ჯანდაცვის სამინისტროს ლაბორატორიულ დახმარებასაც სთავაზობს:

"ჩვენი ტესტების მოცულობიდან გამომდინარე შეგვიძლია დავუშვათ საზღვარზე ავაწყოთ ისეთი ლოჯისტიკა, რომ მათ ჰქონდეთ ნაცხების გადმოცემის შესაძლებლობა, იმ შემთხვევაში თუ თავიანთი ლაბორატორიული სიმძლავრე არ ყოფნით, ჩვენ დავახმართ ჩვენს ლაბორატორიულ სიმძლავრეს. მინისტრს მოეწონა ეს იდეა თუმცა ჯერჯერობით შევთანხმდით იმაზე, რომ შედგება ორი ქვეყნის სპეციალისტებს შორის კომუნიკაცია და მას შემდეგ გადაწყდება დამატებითი დეტალები".