ინფექციური საავადმყოფოს დირექტორი, თენგიზ ცერცვაძე ამბობს, რომ საქართველოში კორონავირუსის პირველი ტალღა დამთავრდა, რამაც დათვური სამსახური გაუწია ყველას და საზოგადოებამ ხალხმრავალი შეკრებები განაახლა. ამ თემაზე თენგიზ ცერცვაძის კომენტარს პირველი არხი ავრცელებს.

"ბევრი მაგალითი იყო, როცა ხალხმრავალი შეკრებები განახლდა. სურათი დაიდო ფეისბუქზე კაფე ფაბრიკაში ელემენტარულად არ იყო დაცული არანაირი სოციალური დისტანცია, პირბადეები, არაფერი. სულ ამის ფიქრი მქონდა და ამაზე ვაფრთხილებდი საზოგადოებას, რომ არ შეიძლება რომ შევირგოთ ის, რასაც მივაღწიეთ ამ პირველი ტალღის დროს?! მოდით, შევირგოთ და მეორე უკიდურესობაში ნუ გადავვარდებით. შეზღუდვების რაღაც ნაწილი თვითშეგნების ხარჯზე შევინარჩუნოთ და ზედმეტად ნუ ავიწყვეტთ", — თქვა თენგიზ ცერცვაძემ პირველ არხთან.

ექიმმა აღნიშნა, რომ საზოგადოება ხალმრავლობას ისევ უნდა მოერიდოს, ატაროს ნიღბები და დაიცვას სოციალური დისტანცია.

ბოლო მონაცემებით, ქვეყანაში სულ დადასტურებულია კორონავირუსის 827 შემთხვევა, მათ შორის გამოჯანმრთელებულია 690 ადამიანი, ხოლო გარდაცვლილია — 13. კარანტინის რეჟიმში 3 230 პირი რჩება, სტაციონარში მეთვალყურეობის ქვეშ — 285.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: