დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფექციური საავადმყოფოს დირექტორის, მარინა ეზუგბაიას განცხადებით, კორონავირუსის გამავრცელებელი არის ყველა პაციენტი, მიუხედავად იმისა, სიმპტომები აქვს გამოხატული თუ არა. მისი განმარტებით, ამ ეტაპზე ვირუსი "გადამდებლობის პერიოდის პიკი" პაციენტის ინფიცირებიდან ერთი კვირის თავზეა, მაგრამ ეს მონაცემები მუდმივად იცვლება და არ არის მყარი.

"გამავრცელებელი არის ყველა პაციენტი, იქნება უსიმპტომო მტარებელი, თუ იქნება პაციენტი, რომელსაც მინიმალური სიმპტომატიკა აქვს გამოხატული. აქ, უბრალოდ, განსხვავებული სიმძლავრით ხდება დაავადების გავრცელება. [...]

დაავადების გამოვლენიდან სხვადასხვა პროცენტული სიხშირით ხდება პაციენტების ინფიცირების ხარისხი. პირველ დღეს სხვა პროცენტულია, რაღაცა მონაკვეთში სხვა არის. დაავადების ინფიცირებიდან ბოლომდე, პაციენტები არიან გადამდები", — ასე უპასუხა მან კითხვას იმის შესახებ, არის თუ არა გადამდები უსიმპტომო პაციენტი.

კორონავირუსის დაფიქსირების დღიდან სამედიცინო სფეროს წარმომადგენლები სხვადასხვა სახის ინფორმაციას ავრცელებდნენ იმის შესახებ, თუ როდის ხდება კოვიდინფიცირებული სხვისი ინფიცირების წყარო, ინფიცირების დღიდან თუ სიმპტომების გამოვლენის შემდეგ. გუშინ, 8 ივნისს, ჯანმრთელობის მსოფლიო ორგანიზაციაში განაცხადეს, რომ სიმპტომების გამოვლენამდე კორონავირუსით ინფიცირებული გადამდები ძალიან იშვიათ შემთხვევაშია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: