საქართველოს გენერალური პროკურორი ირაკლი შოთაძე საქართველოში აშშ-ს ელჩს კელი დეგნანს შეხვდა. პროკურატურის ინფორმაციით,შეხევდრა გაცნობითი ხასიათის იყო და საქართველოს პროკურატურასა და აშშ-ის საელჩოს შორის თანამშრომლობის გაძლიერების კუთხით გადასადგმელ ნაბიჯებს შეეხო.

როგორც შეხვედრის შემდეგ კელი დეგნანმა განაცხადა, შეხვედრაზე საუბარი ოქტომბერში დაგეგმილ არჩევნეში პროკურატურის როლზეც იყო.

"ჩვენ აგრეთვე ვისაუბრეთ გენერალური პროკურორის მნიშვნელოვან როლზე მოახლოებულ მომავალ არჩევნებში, მათ შორის ამომრჩეველთა მოსყიდვის და ამომრჩეველთა დაშინების შესახებ საჩივრების განხილვასთან დაკავშირებით და ვთვლი, რომ გენერალური პროკურატურა მზადაა, აიღოს უმნიშვნელოვანესი პასუხისმგებლობა შემოდგომაზე, რომ ამომრჩევლებს ჰქონდეთ სრული ნდობა საარჩევნო პროცესის მიმართ", — განაცხადა კელი დეგნანმა.