დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფექციური საავადმყოფოს კლინიკური დირექტორის, მარინა ეზუგბაიას თქმით, ქვეყანაში კორონავირუსის გამო მიღებული შეზღუდვების გამკაცრება ან ახალი შეზღუდვების მიღება საჭირო არ გახდება. ამ თემაზე მან კომენტარი ჟურნალისტებთან გააკეთა.

"მე მგონი ამის საჭიროება არ დადგება იმიტომ, რომ გარკვეულწილად ეს საბურთალოს კლასტერი მთლიანად შეისწავლება ალბათ, იმიტომ რომ ყველას იზოლაცია მოხდა, ყველას კვლევა წარმოებს, აქედან გამომდინარე არ მგონია მოხდეს ამ კლასტერის გავრცელება და გაბევრება", — თქვა მარინა ეზუგბაიამ.

ექიმის განცხადებით, დაახლოებით საჭირო იქნება 2 კვირა, რომლის შემდეგაც შეიძლება შეფასება გავიარეთ თუ არა "ბეწვის ხიდი". ეზუგბაიამ მოქალაქეებს კიდევ ერთხელ მოუწოდა, რომ კორონავირუსთან ერთად ცხოვრება ისწავლონ და იმ სიტუაციას მოერგონ, რომელიც დღესაა.

ბოლო მონაცემებით, ქვეყანაში სულ დადასტურებულია კორონავირუსის 794 შემთხვევა, მათ შორის გამოჯანმრთელებულია 624 ადამიანი, ხოლო გარდაცვლილია — 12. კარანტინის რეჟიმში 2 494 პირი რჩება, სტაციონარში მეთვალყურეობის ქვეშ — 301.

მარიანა ეზუგბაიას თქმით, ახალი ინფიცირებული 11 პაციენტიდან 8 საბურთალოს კლასტერიდანაა, ხოლო 3 მარნეულის სოფელი მარეთიდან.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: