ფინანსთა სამინისტროს საგამოძიებო სამსახურმა, ბრენდირებული ძვირადღირებული ალკოჰოლური სასმელების ფალსიფიკაციის, ყალბი აქციზური მარკების გამოყენების და გასაღების, ასევე, მეორადი გამოყენების მიზნით აქციზური მარკების გამოყენების და გასაღების ბრალდებით ერთი მოქალაქე დააკავა.

საგამოძიებო სამსახურის განცხადებით, ბრალდებული, საკუთარ საცხოვრებელ სახლში კუსტარულად მოწყობილი ტექნიკური საშუალებებით ამზადებდა ფალსიფიცირებულ ბრენდირებულ ალკოჰოლურ სასმელებს - ჯეკ დენიელს, ჩივას რეგალს, „აბსოლუტს“, „ფინლანდია“-ს, „პარლამენტს,“ „სტოლიჩნაია“- ს და სხვა სასმელებს, რომელთა მარკირებისათვის სისტემატურად იყენებდა ყალბ და მეორად აქციზურ მარკებს, ხოლო შემდგომში ახდენდა მის რეალიზაციას სხვადასხვა სავაჭრო ობიექტებში.

უწყების განხადებაში ასევე წერია, რომ სამართალდამცავებმა ბრალდებულის სახლიდან ამოიღეს დიდი ოდენობით სხვადასხვა დასახელების ძვირადღირებული ფალსიფიცირებული ალკოჰოლური სასმელები.

საქმეზე გამოძიება მიმდინარეობს საქართველოს სისხლის სამართლის კოდექსის 197-ე მუხლის მე-3 ნაწილით, მე-2001 მუხლის პირველი ნაწილით და მე-2002 მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას ხუთიდან შვიდ წლამდე ვადით.