პაკისტანის ეროვნული ავიახაზების სამგზავრო თვითმფრინავმა ავიაკატასტროფა განიცადა. თვითმფრინავი კარაჩიში, დასახლებულ პუნქტში ჩამოვარდა. BBC-ის ინფორმაციით, ბორტზე 107 ადამიანი, 99 მგზავრი და ეპიკაჟის 8 წევრი იმყოფებოდა. ამ ეტაპზე დაზარალებულებსა და გარდაცვლილებზე ინფორმაცია არ ვრცელდება.

DW-ს ინფორმაციით, თვითმფრინავი Airbus A320 ტიპის იყო და 90-წუთიან ფრენას ასრულებდა ჯინას აეროპორტის მიმართულებით.

ავიაკატასტროფის ადგილიდან გავრცელებულ ვიდეომასალაში ჩანს, რომ დაზიანებულია საცხოვრებელი სახლები და სამაშველო სამსახური ხანძრის ჩაქრობას ცდილობს.