ბავშვობაში გვასწავლიდნენ, რომ საკუთარი ხელით შექმნილი საჩუქარი ყველაზე ძვირფასია. მერე გავიზარდეთ და მისალოცი ბარათების ხელით დახატვას ან რაიმე ნივთის გამოძერწვას მაღაზიაში შეძენა ვარჩიეთ. თუმცა ეს არ ნიშნავს იმას, რომ ჩხირკედელაობაზე უარი უნდა ვთქვათ. ინსპირაციისთვის ყველაფერი გამოდგება, რაც აქამდე უსარგებლო ან მოძველებული გეგონათ. ხელნაკეთი ნივთების შექმნა არც ისე რთულია, თანაც ამ საქმიანობაში ოჯახის პატარა წევრების ჩართვაც შეიძლება. ბავშვებს ხომ ძალიან უყვართ ჭრა-კერვა, ძერწვა, დაშლა, აწყობა და ა.შ

სასანთლე

თუ სახლის ინტერიერის განახლება გაქვთ გადაწყვეტილი, აიღეთ ქილა, ფურცელი და მაკრატელი, მიყევით ვიდეოინსტრუქციას და ძალიან მალე თქვენ საკუთარი ხელით შექმნით ულამაზეს სასანთლეს, რომელიც ნებისმიერ ოთახს დაამშვენებს.

ყუთი ელვით

მეგობრისათვის განსაკუთრებული და დასამახსოვრებელი საჩუქრის შერჩევა ძალიან რთულია, მაგრამ თქვენი ხელით შექმნილ საჩუქარს ვერავინ დაიწუნებს.

მობილური ტელეფონის ქეისი

თუ გსურთ თქვენი სმარტფონი მოდურად გამოიყურებოდეს და ამავე დროს დაცული იყოს დავარდნის დროს დაზიანებისგან, შეგიძლიათ ამ ინსტრუქციას მიჰყვეთ. რაც მთავარია, დიზაინს თავად შექმნით და იმაზეც არ მოგიწევთ ნერვიულობა, რამდენად მოერგება თქვენს ტელეფონს.

რბილი სათამაშო

მოიმარჯვეთ წინდები, ნემსი და ძაფი. თქვენ სულ რამდენიმე წუთში საყვარელ და ფუმფულა სათამაშოს შექმნით. ამ პროცესში თუ ბავშვსაც მისცემთ ჩართვის საშუალებას, ძველი წინდა სულ სხვა მნიშვნელობას შეიძენს და შეიძლება პატარამ გვერდიდან აღარც მოიშოროს.

საახალწლო ნაძვის ხე

თუ საახალწლოდ სახლის მორთვა და ამით სადღესასაწაულო განწყობის შექმნა გსურთ, ეს ვიდეო სწორედ თქვენთვის არის.

საკუთარი ხელით ორნამენტებისა და ნაძვის ხის შექმნა სტრესისგან გაგათავისუფლებთ და, რაც მთავარია, თქვენს ოთახსაც გაალამაზებს.

ხელსაქმემ მიჩვევაც იცის, საბედნიეროდ, ინტერნეტში ყველანაირ ინსტრუქციას მოიძიებთ. ძველი და უსარგებლო ნივთების განახლება, ტანსაცმლის გადაკეთება და საკუთარი სტილის შექმნა, მოხატვა - ეს მხოლოდ ჩამონათვალია იმ საქმიანობებისა, რომელშიც თქვენი ჯადოსნური ხელები გამოგადგებათ.