კონგრესმენი ადამ კინზინგერი, საქართველოს პრეზიდენტის მიერ პოლიტიკური ლიდერების გათავისუფლებას მიესალმება. ამერიკის ხმა კონგრესმენის ოფისიდან მიღებულ ცნობას ავრცელებს.

"[კონგრესმენს] ეს ამბავი ახარებს და მოელის, რომ იხილავს ამ შეთანხმების შესრულებას. ის უგზავნის მის მილოცვას ჩვენს საელჩოს [შეთანხმების] განსახორციელებაში მათი მიერ შეტანილი წვლილისთვის", — აცხადებს კონგრესმენ კინზინგერის ოფისი.

პრეზიდენტის მიერ ოპოზიციონერების შეწყალებას მანამდე ამერიკის სენატის საგარეო ურთიერთობათა კომიტეტის რესპუბლიკელი თავმჯდომარე, სენატორი ჯიმ რიში და ევროპის ქვეკომიტეტის დემოკრატი ლიდერი, სენატორი ჯინ შაჰინი გამოეხმაურნენ.

"ეს მნიშვნელოვანი ნაბიჯია 8 მარტის შეთანხმების შესრულებისკენ, რომელიც საქართველოს საარჩევნო სისტემას შეცვლის და დაასრულებს პოლიტიკურ ჩარევას სასამართლოში. დღევანდელი გათავისუფლებები ძლიერ სიგნალს უგზავნის ყველას, ვინც იმუშავა შეთანხმებაზე და ხელი მოაწერა მას, რომ პროგრესი შეიძლება იყოს და ის მიიღწევა კიდეც", — წერია მათ განცხადებაში.

მანამდე სენატორმა რიშმა გაავრცელა განცხადება და ხელისუფლებას 8 მარტის შეთანხმების შესრულებისკენ მოუწოდა.

15 მაისს პრეზიდენტმა სალომე ზურაბიშვილმა გიგი უგულავა და ირაკლი ოქრუაშვილი შეიწყალა.