ფინანსთა სამინისტროს საგამოძიებო სამსახურმა, ყალბი ფულის გასაღების ბრალდებით თურქეთის რესპუბლიკის მოქალაქე დააკავა.

უწყება გავრცელებულ განცხადებაში წერს, რომ ბრალდებულმა, თურქეთის რესპუბლიკიდან საქართველოს ტერიტორიაზე, საბაჟო გამშვები პუნქტი სარფის გავლით შემოიტანა და შემდეგ, საქართველოში გაასაღა 10 400 ყალბი თურქული ლირა.

საგამოძიებო სამსახურის მტკიცებით, დაკავებულის პირადი ჩხრეკისას, გაყალბებულ კუპიურებთან ერთად, ამოიღეს განსაკუთრებით დიდი ოდენობით ნარკოტიკული საშუალება ექსტაზი.

საქმეზე გამოძიება მიმდინარეობს საქართველოს სისხლის სამართლის კოდექსის 212-ე, 260-ე და 262 მუხლებით.