Frozen-ის ერთ-ერთი ყველაზე საყვარელი პერსონაჟ ოლაფს ახალი სიმღერა აქვს, რომელიც სურს, რომ მთელ მსოფლიოში თავის მეგობრებს გაუზიაროს!

ოლაფს თუ იცნობთ, მისი ამ სურვილის გულწრფელობაში ეჭვიც არ შეგეპარებათ.

ფოტო: Disney

კორონავირუსის პანდემიის გამო ადამიანების დიდი ნაწილი იზოლაციაშია და მეგობრებს, ნათესავებსა თუ საყვარელ ახლობლებს ვერ ნახულობენ. დისნეიმ კი ყველას გასამხნევებლად ამ ცნობილი გმირის ახალი ვიდეო შექმნა და მათ, ვინც მარტო გრძნობს თავს, სიმღერა მიუძღვნა.

ახალ სიმღერას I Am With You (თქვენთან ვარ) ჰქვია და მას ოლაფის გამხმოვანებელი, ჯოშ გადი ასრულებს:

"თქვენთან ვარ ამ მუსიკით / თქვენთან ვარ ამ რითმით / თქვენ გვერდით ვიქნები, თუ დაგჭირდებით / ნებისმიერ დროს / მე თქვენი ვარ და თქვენ ჩემი", — ამბობს ოლაფი სიმღერის ტექსტში.

სიმღერის დასრულების შემდეგ ეს თოვლის კაცი Frozen-ის მეორე ნაწილიდან ცნობილ პერსონაჟს, ქარის სულს — გეილს სთხოვს, რომ სიმღერის ტექსტი ადრესატამდე მიიტანოს, ბოლოს კი ამბობს:

"მალე შევხვდებით".