ჯერ კიდევ ბავშვობაში ძილის წინ მოსმენილი ზღაპრებისა თუ დისნეის ანიმაციების ჯადოსნური ისტორიების გავლენით მიჩვეულები ვართ, რომ ჩვენი სიმპათია კეთილშობილმა, სათნო და მამაცმა პრინცებმა უნდა დაიმსახურონ, რომლებიც ბოროტებას უპირისპირდებიან.

თუმცა რა ხდება მაშინ, თუ ჩვენს დაინტერესებას სწორედ ბოროტების მხარეს მყოფი პერსონაჟი იწვევს? ან მეტიც — კონკრეტულ ისტორიაში თავად ბოროტების განსახიერებაა?

ფოტო: Reprodução/Tumblr

რაც არ უნდა გასაკვირი იყოს, ყველას სულაც არ იზიდავს ის კეთილი მთავარი გმირები, რომლებიც უმეტეს შემთხვევაში უნაკლოები არიან, რაც იმის შეგრძნებას გიჩენს, რომ მასთან მარტივად მოიწყენ.

ახლა ცნობილი სერიალებიდან სწორედ იმ რამდენიმე კაც პერსონაჟს გთავაზობთ, რომლებიც მაინცდამაინც საუკეთესო პიროვნული თვისებებითა და საქმეებით ვერ დაიკვეხნიან, მაგრამ მაყურებლის სიმპათია მაინც არ აკლიათ.

1. ჯეიმი ლანისტერი Game Of Thrones-დან

ფოტო: HBO

მართალია, ჯეიმი მეფისმკვლელია და კიდევ მრავალი დანაშაულია მის კისერზე, თუმცა მაყურებლების არც ისე მცირე ნაწილში ის მაინც იწვევს აღფრთოვანებას თუნდაც თავისი სიყვარულის მიმართ სამუდამო ერთგულების გამო. მართალია, მისი სიყვარულის ობიექტი თავისივე ღვიძლი დაა, მაგრამ მაინც...

2. ტეიტ ლენგდონი American Horror Story-დან

ფოტო: FX

უნდა ვაღიაროთ, რომ რაიან მერფის ყველაზე საზარელ პერსონაჟშიც კი შეუძლია ადამიანური ხასიათის გამოკვეთა, რის გამოც ცალსახად უარყოფითად ვეღარ განეწყობი ხოლმე მათ მიმართ. თორემ სხვანაირად როგორ შეიძლება ისეთი საშიში დამნაშავე მოგეწონოს, როგორიც ტეიტ ლენგდონია.

3. მისტერ ბიგი Sex and the City-დან

ფოტო: HBO

მიუხედევად იმისა, რომ მისტერ ბიგს ნამდვილად უამრავი უარყოფითი თვისება აქვს, მან მაინც მოახერხა, რომ კერი ბრედშოუსთან ერთად ბევრი მაყურებლის გული მოეგო.

4. სოიერი Lost-დან

ფოტო: ABC

შევთანხმდეთ, რომ ზოგადად რთულია, ვინმე ამ სერიალიდან არ გიყვარდეს. მათ შორისაა სოიერიც, რომელიც საწყის სეზონებში არც ისე საამაყო თვისებებით იწონებს თავს, თუმცა მაყურებლების უმეტესობას მაინც შეაყვარა თავი.

5. ნოა სოლოუეი The Affair-დან

ფოტო: Showtime

იმ ყველაფრის მიუხედავად, რასაც ეს პერსონაჟი მთელი სერიალის განმავლობაში აკეთებს, თავისი ქარიზმით მაინც ბევრს ხიბლავს.

6. მორიარტი Sherlock-დან

ფოტო: BBC

მერე რა, რომ მორიარტი ერთ-ერთი ყველაზე საშიში ბოროტმოქმედია — მთავარია, ის ენდრიუ სკოტის მიერ შესრულებული იხილოთ და მაშინვე ჩაგივარდებათ გულში.

7. ჯო გოლდბერგი You-დან

ფოტო: Netflix

თუ ეს სერიალი გინახავთ, ალბათ დაგვეთანხმებით, რომ ვინც საფრთხეს არ ეძებს, პირველ რიგში ის უნდა ინატროს, რომ ჯოსნაირი ადამიანის სიახლოვესაც კი არ აღმოჩნდეს, თუმცა, როგორც აღმოჩნდა, მისი მანიაკალური აკვიატებები ბევრს იზიდავს კიდეც.

8. ადამი Sex Education-დან

ფოტო: Netflix

მაყურებლები ადამს თავდაპირველად როგორც ჰომოფობს, ბულერსა და მოძალადეს იცნობენ, მაგრამ ერიკი ერთადერთი სულაც არ არის, ვინც მის ამ წარსულ გამოცდილებას ივიწყებს და მის მიმართ სიმპათიას გამოხატავს.

9. ნიგანი The Walking Dead-დან

ფოტო: AMC

აპოკალიფსის დროსაც რომ ახერხებს და ცუდი ტიპია, ნამდვილად რთულია ასეთ პერსონაჟზე რაიმე დადებითის თქმა, თუმცა ნიგანი მაინც არაერთი მაყურებელს მოსწონს.

10. პერი რაითი Big Little Lies-დან

ფოტო: HBO

ნიკოლ კიდმანის მიერ ეკრანებზე საოცარი ოსტატობით გაცოცხლებული სელესტის ისტორიის შემდეგ, ალბათ, წარმოუდგენელია, რომ პერის პერსონაჟი ვინმეში სიმპათიას იწვევდეს. თუმცა, მოდი, ეს მხოლოდ ალექსანდრ სკარსგარდის ღვთაებრივ გარეგნობას დავაბრალოთ.

თქვენ კიდევ ვის დაამატებდით ამ სიაში?