მექსიკაში შეშფოთებულები არიან კორონავირუსის პანდემიის მიმართ ამერიკის მიდგომით. იმის შიშით, რომ შტატებიდან გადასულებმა მათ ქვეყანაში შესაძლოა სახიფათო ინფექცია შეიტანონ, სხვადასხვა გზას მიმართავენ.

მათ შორის ერთ-ერთი სადეზინფექციო თაღების აღმართვა, რომელიც ქვეყანაში შესვლის მსურველს საზღვარზე დეზინფექციაში გაატარებს. ისინი, ვინც საზღვარს მანქანით კვეთენ, ავტომობილიდან ჩამოდიან და სადეზინფექციო ხსნარის "შხაპს" იღებენ.

სოციალურ ქსელში გავრცელებულ ფოტოებსა და ვიდეოებში ჩანს, როგორ გადიან ამ პროცესს უცხოეთის მოქალაქეები.

ქალაქ ნოგალესის მთავრობა აცხადებს, რომ პროცედურა მომდევნო 24 საათის განმავლობაში ყველანაირი ვირუსისგან იცავს, მათ შორის COVID-19-საც:

"ასე ვამცირებთ უცხოეთის მოქალაქეებისგან მექსიკაში ვირუსის შემოტანისა და ადგილობრივების დაინფიცირების რისკს".

მექსიკის საზღვარზე მდებარე ქალაქ ნოგალესში ჯამში 5 სადეზინფექციო თაღის განთავსებას გეგმავენ.